fruit basket - dot painting by dhruva.

ಹಕ್ಕಿ ಗೂಡು

ಸೂರ್ಯ

ಕಲ್ಲಂಗಡಿ ಹಣ್ಣು

ಹಡಗು

ಮೇಣದ ಬತ್ತಿಗಳು

ಸೇಬಿನ ಮರ

ಡಾಲ್ಫಿನ್

ದೀಪ

ಬಾತು ಕೋಳಿ

ಮನೆ

ಸೂರ್ಯ ಚಂದ್ರ ಆಕಾಶಕೆ

ಹಣ್ಣು

ಎಲೆಗಳು

ಸಂದೇಹ

ನನ್ನ ಮತ್ತು ಧ್ರುವನ ನಡುವೆ ಈ ಸಂಭಾಷಣೆ ನಡೆದದ್ದು ಜೂನ್ ತಿಂಗಳ ಮೊದಲ ವಾರದಲ್ಲಿ.

ದಿನಂಪ್ರತಿ ಧ್ರುವ ಶಾಲೆಯಿಂದ ಬಂದ ಕೂಡಲೇ ಆ ದಿವಸದ ಶಾಲೆಯ ಚಟುವಟಿಕೆಗಳ ಬಗ್ಗೆ ಕೇಳುವ ಅಭ್ಯಾಸ ನನ್ನದು. ಎಂದಿನಂತೆ ಆ ದಿವಸವೂ ಕೇಳಿದೆ, ಅವನೂ ಎಂದಿನಂತೆಯೇ ಹೇಳಿದ, " ಅಮ್ಮ, ಬಸ್ ಹತ್ತುವಾಗ ನೆನಪಿತ್ತು... ಇಲ್ಲಿಗೆ ತಲುಪುವಾಗ ಮರೆತು ಹೋಯಿತು. " ಧಾಟಿ ಬದಲಿಸಿ ಕೇಳಿದೆ, "ನಿನ್ನೆ ನೀನು ಆರಭಿ ಹತ್ರ ಕೂತಿದ್ದೆ ಅಲ್ವಾ... ಇವತ್ತು ಯಾರ ಹತ್ರ ಕೂತ್ಕೊಂಡೆ...? "
ತಕ್ಷಣ ಉತ್ತರ ಬಂತು, " ಇವತ್ತು ಒಂದು ಬದಿಯಲ್ಲಿ ಶುಭಾಂಗ್ , ಇನ್ನೊದು ಬದಿಯಲ್ಲಿ.... ಇನ್ನೊಂದು ಬದಿಯಲ್ಲಿ... "
ಮಾತು "ಇನ್ನೊಂದು ಬದಿಯಿಂದ" ಮುಂದೆ ಹೋಗಲೇ ಇಲ್ಲ. ಇನ್ನೊಂದು ಬದಿಯಲ್ಲಿ ಯಾರು ಕುಳಿತದ್ದು ಎಂದು ಪುನಃ ಪ್ರಶ್ನೆ ಮಾಡಿದಾಗ ಮಾತು ಮುಂದುವರೆಯಿತು.

ಇನ್ನೊಂದು ಬದಿಯಲ್ಲಿ ಕುಳಿತಿದ್ದ ಮಗುವಿನ ಹೆಸರು ಗೊತ್ತಿಲ್ಲ, ಕೂದಲು ಧ್ರುವ ಕೂದಲಿನ ಹಾಗೆ ಸಣ್ಣಗೆ ಇದೆ, ಆದರೆ ಅಮ್ಮನ ಹಾಗೆ ಕಿವಿಯಲ್ಲಿ ಪುಟ್ಟ ರಿಂಗ್ ಇದೆ! ಈಗ ಒಂದು ಸಂದೇಹ, ಪಕ್ಕದಲ್ಲಿ ಕುಳಿತದ್ದು ಹುಡುಗನೋ... ಹುಡುಗಿಯೋ..?!!




ಆದರೆ ಈಗ ಆ ಸಂದೇಹಕ್ಕೆ ಉತ್ತರ ಸಿಕ್ಕಿದೆ, ಆವತ್ತಿನ ದಿವಸ ಪಕ್ಕದಲ್ಲಿ ಕುಳಿತದ್ದು ನೀಹಾಲ್ ಹೆಸರಿನ ಹುಡುಗ. :-)

ಗುಮ್ಮ

ನಾನು ಹೇಳಿದೆ, "ಧ್ರುವ, ಇವತ್ತು ಗುಮ್ಮ ಬಂತು ಗುಮ್ಮ ನಾಟಕ ಕ್ಕೆ ಹೋಗುವ. "
ಧ್ರುವ ಕೇಳಿದ, "ghost ಬಂತು ghost ನಾಟಕವಾ ?"

ಗ್ರಹಗಳು.

ಆಕಾಶ, ಸೂರ್ಯ, ಚಂದ್ರ ನಕ್ಷತ್ರಗಳ ಬಗ್ಗೆ ಬಹಳ ಕುತೂಹಲ ಇದ್ದ ಧ್ರುವನಿಗೆ
ಖಗೋಳದ ಬಗೆಗಿನ ಒಂದು ಪುಸ್ತಕ ತಂದು ಕೊಟ್ಟೆ.
ಪ್ರತಿ ದಿನ ಒಂದು ಪುಸ್ತಕ ಓದಿ ಹೇಳುವುದು ರೂಢಿ.
ಈ ಪುಸ್ತಕ ಬಂದ ಮೇಲೆ ಅದರ ಬಗ್ಗೆ ಪ್ರತಿ ದಿನ ಪ್ರಶ್ನೆಗಳು.
ಅದಕ್ಕೆ ನಮ್ಮ ಉತ್ತರ.
ಅದರಲ್ಲಿ ಗ್ರಹಗಳ ಚಿತ್ರ ಮತ್ತು ಹೆಸರುಗಳು ಇದ್ದದ್ದನ್ನು ಓದಿ ಹೇಳ್ತಾ ಇದ್ದೆ.
೨ ಸಲ ಹೇಳಿದ ನಂತರ ಮೂರನೇ ಸಲ ಅವನೇ ಹೇಳತೊಡಗಿದ.
ಹೇಳುವಾಗ ನಾನೊಂದು ತಪ್ಪು ಮಾಡಿದ್ದೆ.
ಪುಸ್ಥಕದಲ್ಲಿತ್ತು, ೯ ಗ್ರಹಗಳೆಂದು. ಪ್ಲುಟೊ ಹೆಸರು ಕೂಡ ಇತ್ತು. ಅದನ್ನ ಹಾಗೆ ಹೇಳಿದ್ದೆ.
ಆದರೆ ಈಗ ಗ್ರಹಗಳು ೮ ಮಾತ್ರ. ಪ್ಲುಟೊ ಲೆಕ್ಕದಿಂದ ಹೊರಗೆ ಇರುವುದು ಮರೆತೇ ಹೋಗಿತ್ತು.
ಮರುದಿವಸ ನೆನಪಾಗಿ ಧ್ರುವ ನ ಬಳಿ ಹೇಳಿದೆ, ಪ್ಲುಟೊ ಗ್ರಹ ಅಲ್ಲ. ೯ಗ್ರಹ ಅಲ್ಲ, ೮ ಗ್ರಹಗಳಷ್ಟೇ ಇರುವುದು.

ಆದರೆ ಗ್ರಹಗಳ ಹೆಸರು ಹೇಳುವಾಗ ಧ್ರುವ ನಿಗೆ ಕೊನೆಯ ಪ್ಲುಟೊ ಬಿಡಲು ಮನಸ್ಸೇ ಇಲ್ಲ.
ನೆಪ್ಚೂನ್ ಹೇಳಿದ ನಂತರ ಪ್ರತಿ ಸಲ ಕೇಳ್ತಾನೆ, ಅಮ್ಮ, ಪ್ಲುಟೊ ಹೇಳಲಾ?
ಕೊನೆಗೆ ಗೊತ್ತಾಯ್ತು, ಪ್ಲುಟೊ ಅಂದ್ರೆ ಯಾಕಷ್ಟು ಇಷ್ಟ ಅಂತ...
ಯಾಕಂದ್ರೆ, ಮಿಕ್ಕಿ ಮೌಸ್ ಜೊತೆಗೆ ಒಂದು ನಾಯಿ ಇದೆ, ಅದರ ಹೆಸರು ಪ್ಲುಟೊ.
ಮಿಕ್ಕಿ ಮೌಸ್, ಮತ್ತು ಪ್ಲುಟೊ ಅಂದ್ರೆ ಧ್ರುವ ನಿಗೆ ಬಹಳ ಇಷ್ಟ.

ಪ್ರಶ್ನೆ

ಮಕ್ಕಳ ಮನಸ್ಸಲ್ಲಿ ಮೂಡುವ ಕುತೂಹಲ ಎಷ್ಟಿರುತ್ತದೆ ಅನ್ನುವುದಕ್ಕೆ ನಾನು ಒಂದು ವಿಷಯದ ಬಗ್ಗೆ ಹೇಳುವಾಗ ಧ್ರುವನಲ್ಲಿ ಮೂಡಿದ ಪ್ರಶ್ನೆ ಸಾಕ್ಷಿ.
ಗ್ರಹಗಳ ಬಗ್ಗೆ, ಸೂರ್ಯ ಗ್ರಹಣದ ಬಗ್ಗೆ ಚಂದ್ರಗ್ರಹಣದ ಬಗ್ಗೆ ಧ್ರುವ ಮತ್ತು ನಾನು ಮಾತನಾಡುತ್ತ ಇರುವಾಗ ಧ್ರುವ ಕೇಳಿದ,
ಅಮ್ಮ ಸೂರ್ಯಗ್ರಹಣಕ್ಕೆ ಇಂಗ್ಲಿಷ್ ನಲ್ಲಿ ಏನು ಹೇಳ್ತಾರೆ? ನಾನು ಹೇಳಿದೆ, "solar eclipse".
"ಚಂದ್ರ ಗ್ರಹಣಕ್ಕೆ ??" ಕೂಡಲೇ ಇನ್ನೊಂದು ಪ್ರಶ್ನೆ,
"lunar eclipse" ಉತ್ತರ ಹೇಳಿದೆ.
ಕೂಡಲೇ ಅವನಿಂದ ಇನ್ನೊದು ಪ್ರಶ್ನೆ , "ಮತ್ತೆ ಭೂಮಿ ಗ್ರಹಣಕ್ಕೆ?"
ಸೂರ್ಯ ಗ್ರಹಣ ಮತ್ತು ಚಂದ್ರ ಗ್ರಹಣ ಮಾತ್ರ ಆಗಲು ಸಾಧ್ಯ ಎನ್ನುವುದನ್ನ ವಿವರಿಸಿ ಹೇಳಿದ ಮೇಲೆ ಆ ಕುತೂಹಲ ಕಡಿಮೆ ಆಯಿತು.


ಇನ್ನೊಂದು ಸಂದರ್ಭ : ಊಟ ಮಾಡಿದ ನಂತರ ಮೊಸರನ್ನು ಫ್ರಿಡ್ಜ್ ನಲ್ಲಿ ಇಡುವಾಗ ಧ್ರುವನ ಪ್ರಶ್ನೆ ಬಂತು.
ಅಮ್ಮ, ಮೊಸರು ಯಾಕೆ ಫ್ರಿಡ್ಜ್ ನಲ್ಲಿ ಇಡ್ತಾ ಇದ್ದಿ?
ಪ್ರ : ಪುಟ್ಟ, ಮೊಸರು ಫ್ರಿಡ್ಜ್ ಲ್ಲಿ ಇಟ್ರೆ ಹುಳಿ ಆಗುದಿಲ್ಲ.
ಉ :ಫ್ರಿಡ್ಜ್ ಲ್ಲಿ ಇಟ್ಟರೆ ಯಾಕೆ ಹುಳಿ ಆಗಲ್ಲ?
ಪ್ರ :ಫ್ರಿಡ್ಜ್ ಲ್ಲಿ ಕಡಿಮೆ ಉಷ್ಣತೆ ಇರುವ ಕಾರಣ ಹುಳಿ ಆಗಲ್ಲ.
ಉ :ಯಾಕೆ ಕಡಿಮೆ ಉಷ್ಣತೆ ಇದೆ ಫ್ರಿಡ್ಜ್ ನಲ್ಲಿ?

ಸರಿ, ಇದಕ್ಕೆ ನಾವಿಬ್ರೂ ಸೇರಿ ಒಂದು ಪ್ರಯೋಗ ಮಾಡಿದೆವು.
ಒಂದು ಸಣ್ಣ ಪಾತ್ರೆಯಲ್ಲಿ ಸ್ವಲ್ಪ ಮೊಸರನ್ನು ತೆಗೆದು ಫ್ರಿಡ್ಜ್ ನ ಹೊರಗಿನ ವಾತಾವರಣದಲ್ಲಿ ಇಟ್ಟೆವು.
ಆ ರಾತ್ರಿ ಹೊರಗಿಟ್ಟ ಮೊಸರನ್ನು ರುಚಿ ನೋಡಲು ಕೊಟ್ಟೆ. ಫ್ರಿಡ್ಜ್ ನಲ್ಲಿರುವುದನ್ನೂ ಸ್ವಲ್ಪ ಕೊಟ್ಟೆ.
ರುಚಿ ನೋಡಿ ಹೌದು, ಹುಳಿ, ಹುಳಿ ಇಲ್ಲದ್ದು ಅಂತ ಹೇಳಿ ವ್ಯತ್ಯಾಸ ತಿಳಿದ ನಂತರ ಅವನಿಗೂ ಸಮಾಧಾನ, ನನಗೂ ಸಹ.